TOW#624 — Квалитет
Квалитетот пред сè! Како не бе?!?!?!?!
Паѓаме на квалитет, всушност! Ама воопшто нема квалитет, никаде и кај никој! Да имаше ќе бевме Швајцарија (сите кои ме знаат, знаат дека иако сум таму роден, не ми е нешто најомилена земја, но морам да признам дека ако нешто имаат, тоа е квалитет!!)
Тргни од приватен и јавен сектор, па од услужни дејности, па кај нас/вас на работа…НИКАДЕ НЕМА КВАЛИТЕТ. И тоа можеби не е проблем, доколку се менуваме. Ама не, ние не се менуваме туку баш напротив, се навикнуваме на тој неквалитет на сите места и мислиме дека секаде ќе помине тоа.
Не бе луѓе, веќе никаде не поминува неквалитет. НИКАДЕ. Еј, немојте само да си кажете, ама јас Калин, секогаш нудам квалитет. Не бе луѓе, можеби вие давате квалитет (ама бидете искрени), но ако сте дел од тимот, некој зафркнува, и на крај, крајниот резултат е неквалитетен!!
Ајде да зборуваме малку за квалитетот и каде сè (барем во најголемиот дел од работите) тој треба да биде применет:
Комуникација — на кое било ниво или во која било ситуација, потребно е убава и учтива комуникација. Да се комуницира човечки. Да се слушаат соговорниците и да се прифатат туѓите ставови. Да сакате да се разберете. Да бидете културни и учтиви кога се работи за некоја рекламација на вашиот продукт/сервис. Да имате почит кон соговорникот. Да одговарате на повик или подоцна да се јавите.
Продукт/Сервис — мислам дека тука, за жал, најмногу ќе треба да пишувам, а немам доволно место! Квалитетот на продуктите кои ги нудите е бљак! Абе ако сакате и распнете ме на кол, ама така е! Подобро е да генерализирам и да добијам лавина на коментари дека не е така (слободно уверете ме во спротивното), отколку сега тука да си замачкуваме очи! Не нудиме квалитетни продукти/сервиси. Живееме уште во времето на модификации и ајде, ќе помине! Не луѓе, нема да помине, разберете веќе еднаш! Тоа што не е квалитетно, фрлете го, а не да го протнете и да се надевате дека никој нема да се пожали. Времето на неквалитетен продукт/сервис, веќе не поминува. Дури и кинезите го сфатија тоа!
Работа — тоа што го работите, работете го квалитетно. А не, за тие пари, толку! Дајте максимум и квалитет таму каде што сте. Не за другите, за вас! И не, не мора да седите на работа 8 саата (ако не е потребно), ама тие саати кои сте на работа, искористете ги најквалитетно и допринесете за себе, за тимот и за компанијата!! А ако не ви се допаѓа, одете си, дајте шанса некој друг да дојде на ваше место.
Испорака — не малку ми се има случено да имам нешто купено и на крај доставувачот ми вели, еј ајде симни се долу, немам каде да паркирам?? Па, чуму моето онлајн купување, ако треба да се симнам. А на сите што се качиле до горе, секогаш сум им оставал бакшиш!! Колку пати ми се случило да не биде испорачано нешто кога било ветено?! Аман не ветувајте ако не можете да исполните! Дали вие знаете дека, ако вие задоцните, доцни и тој/таа следниот после вас и така по ред, на крај доаѓа дека цела компанија доцни само поради вас!
Настан — било да се работи за некоја неформална средба, за некој голем настан или што било, потребно е тој да биде организиран најквалитетно што може! Но не, ние идеме на моментот: ама ОК е, наши сме си, нема потреба од толку фама! Не бе луѓе, некому му е мило и важно, тој настан да биде убав, па направете му го квалитетно.
И да не редам, ама многу сум разочаран од квалитетот што го нудиме, па и од самиот себе (не грижете се, јас сум прво самокритичен, па после кон другите). И знаете што е уште по поразително, тој/таа што нуди квалитет во кое било од горенаведените полиња, многу лесно потпаѓа под влијание на неквалитетните. Ам тоа е, побројни се, но јас лично, нема да дозволам тоа да ми се случи. Вие?
Квалитетот пред сè!
@kalin.babusku
If you would like to receive these texts by e-mail or you think that some of your colleagues, associates or friends might be interested in them, please get in touch at
