TOW#636 — New Year New Me

Пред неполни два месеца, околу новогодишните празници, во цела таа еуфорија слушав многу ветувачки реченици околу мене: „од Нова година ќе вежбам” , „ во Новата година ќе се грижам подобро за себе”, „ќе почнам да правам ова, да правам она…”

До кај сте??

На почетокот на секоја Нова година, јас си правам 2 плана: приватен и професионален: Едниот, професионалниот е секогаш оној кој си го должите прво себеси, но и на некој друг: вашата компанија, вашиот работодавец, па макар и да работите во своја компанија, сепак сте должни да го остварите она што сте го ветиле.
Овој план ви е потребен за да знаете каде ќе се движите, кои ви се целите, каде треба да се подобрите итн. Со овој план растете, тежнеете кон она во што верувате.
Но, доколку не го остварите планот, тоa значи две работи:
— или не сте биле доволно посветени и сериозни,
— или, едноставно, тоа не е за вас и треба да се насочите кон други нешта понатаму.

И двете се во ред, но признајте си искрено за да знаете каде сте.

Оној потешкиот, за мене е приватниот план. Она што ќе си го ветите сами на себеси, пред лично вас и никој друг е најтешката задача што ја имаме. Често и ги одложуваме работите што не ни се интересни и што бараат да излеземе од нашата комфорна зона. За утре, за догодина… за никогаш? Знам по себе.

Сè додека не дојде момент да морам да го направам „тоа”! А тогаш е веќе далеку од задоволство…

Со моите приватни планови јас доцнам 2 месеца. Ви признавам со цел да ве мотивирам вас, а пред се себеси да се ставиме еднаш засекогаш на прво место, да си ги земеме работите во свои раце и доколку доцните како мене, да забрзаме, да си дадеме рок не до крај на годинава, туку до крај на ноември да си го одржиме сопственото ветување! Бидејќи најголем предизвик е да се избориш со себеси!

- Најпрво, засакајте се и прифатете се сами себе. Така најискрено ќе видите до каде сте и какви промени треба да направите;

- Знајте колку вредите и не се потценувајте. Но, не се ни преценувајте!

- Прифатете дека не можете да контролирате сè околу вас. Не ни треба!

- Стабилизирајте го умот, фокусирајте се на целите. Нека не ве интересира баш сè околу вас.

- Барајте ја убавината во нештата, така ќе се мотивирате.

- Не си наоѓајте изговори!

- Не се откажувајте на првата препрека, Rome wasn’t build in a day, нели.

“Keeping our promises is key to experiencing life as we dream it can be”- Anonyms
Јас веќе почнав, со лесно и Вам!

Со успех во промените,

Елена Мартиновска

Член на тимот
МАКЕДОНИЈА-ЕКСПОРТ Консалтинг
www.macedonia-export.com