TOW#653 — Топлотен бран

Како и секое лето, иако некако иде дека секое лето станува по топло и по топло, така и ова, се доближуваме со голема брзина кон невиден топлотен бран.
Да не останеме и ние покуси од она што насекаде се објавува, но навистина, пазете и бидете внимателни!

Неколку совети и од нас:

• Пијте течности, но избегнувајте многу кафиња, алкохол или сокови. Најдобро вода! Имајте вода покрај вас цело време!
• Не се изложувајте на сонце/топло доколку не мора. Ако мора, избегнувајте ги најтоплите периоди;
• Завршувајте ги работните обврски што порано во текот на денот, затоа што веќе во после пладневниот период, намалена ви е работоспособноста;
• Користете разладни уреди за ладење на работната просторија, но бидете внимателни! Немојте многу ладно да држите;
• Немојте да му предизвикувате шокови на телото и да работите во многу ладна просторија и да искочите надвор кога е најтопло;
• Јадете лесна храна;
• Бидете позитивни (топлото негативно влијае на расположението на луѓето);
• Носете лесна облека! Менаџери, променете правилник за облекување во овој период (не мора вратоврска, долги ракави, одела и слично) и адаптирајте го на новите услови;
• Имајте почести и пократки паузи кога ќе може да се рехидратирате;
• Спијте (доколку можете на топлово) повеќе за да може да бидете одморени на работа;
• Доколку можете, работете од дома.. но работете!

Секако, вие си знаете најдобро што ви помага најдобро да го поминете најбезболно овој период, но она што е важно да се знае, работата не смее да трпи поради тоа!

Лесен топол бран,

Групата МАКЕДОНИЈА-ЕКСПОРТ Консалтинг
www.macedonia-export.com