TOW#668 — Ние, Вие, Ти(е)м

Тим и тимски играчи од секогаш била неисцрпна тема за размислување и пишување.
Ако пребарате на google што е тим, ќе ви каже дека тим претставува група на играчи кои формираат една страна во натпреварувачка игра или спорт. Или, здружување на повеќе лица со цел да се постигне заедничка цел.
Многу моќно! Зборовите како “една страна” и “заедничка цел” би требало сами по себе да кажуваат многу и од тука да биде јасно за што станува збор. И тоа би било тоа, но сега тука секој од нас би требало да застане и да се запраша:

• Дали сум јас дел од тимот во мојата компанија?
• Дали имам заедничка цел со моите колеги?

Доколку е потврден одговорот, тогаш е и повеќе од јасно дека таму припаѓате. Но некои од нас можеби и токму ова ќе ги поттикне да се запрашаат каде е нивното место.

Моето скромно мислење и потврда за тоа дека сум дел од тим би значело:

• Отворена комуникација. Едноставно и непречено да се искажам, без неоснована осуда и потсмев
• Да имам поддршка, но и конструктивна критика кога е потребно
• Да имам “грб”, односно да сум сигурна дека во секое време имам на кого да се потпрам
• Доверба
• Заедничко учење и растење
• Заеднички успеси и цели

Секоја заедница, па и тимот бара одредени компромиси од секое битие. И тука нема простор за себичност. Или си, или не си тимски играч!

Со успех во промените,

Елена Мартиновска

Член на тимот
МАКЕДОНИЈА-ЕКСПОРТ Консалтинг
www.macedonia-export.com