TOW#673 — ДРУГАТА СТРАНА НА ЛИСТОТ…

Дали сте виделе несреќен коњ? Дали сте виделе нерасположена птица? НЕ, затоа што ни коњот ни птицата не се трудат да ги импресионираат другите коњи и птици.
Дејл Карнеги

#Благодарноста е лесна и бесплатна, и целосно зависи од СТАВОТ и ФОКУСОТ кој ќе се постави. #Благодарноста е многу повеќе од кажување на благодарам за добро завршена работа или за добивање на некое добро кое се вреднува. #Благодарноста е СТАВ, начин како гледаме на сѐ она што не окружува. Покрај тоа што #Благодарноста е добра за нас добра е и за луѓето околу нас. Сите ги знаеме оние луѓе кои зрачат поинаку и кои се радуваме што ни го пресретнале патот за разлика од оние „другите луѓе“.

Како општествена вредност #Благодарноста носи некои научно докажани придобивки, и тоа:

• благодарните луѓе се посреќни
• поздрави
• имаат поздрави срца
• вежбаат повеќе
• имаат подобар сон
• оптимистични се
• полесно ги надминуваат препреките т.е. развиваат резилиентност (чист македонски збор)
• великодушни се со своето време и пари
• полесно простуваат и градат добри релации со луѓето околу нив
• ја поттикнуваат самодовербата кај другите и инспирираат да се продолжи со благодарниот став
• благодарноста е едно од делотворните решенија за справување со чувството на исклученост, осаменост, несигурност и неисполнетост
• благодарноста е двонасочна и давателот и примателот ги уживаат придобивките од истата.

Можеби и кога ќе си го напишеме животот на хартија личи одлично но хронично ни недостасува свесност и благодарност за она што го имаме. Не знам дали сте забележале дека АКО-ТОГАШ не ги дава посакуваните резултати, ако се присетиме на се што сме сакале пред 10 години, најверојатно повеќето работи ги имаме а не искажуваме свесно благодарност за нив секој ден. Или како што и Фјодор Михајлович Достоевски забележува „Човекот е склон да ги набројува своите неволји, но никогаш не ги набројува своите радости. Кога би ги набројувал според заслугата, би увидел дека секој има доволно среќа во животот.“

Сѐ е ПРИКАЗНА. Се што си кажуваме на себе е приказна т.е. како ние ги боиме работите (магијата е тоа да го правиме свесно и со ставот на благодарноста). Се раѓаме среќни и со многу вежба научуваме да бидеме несреќни, логиката упатува дека е можно и обратното.

Не е доволно да се ЗНАЕ, туку да се ПРАВИ за да се БИДЕ. Знаењето е за мозокот, а искуството е за телото, потребно е да креираме искуство со #Благодарноста за да ги почувствуваме бенефитите од неа. За тоа може да ни биде поддршка и една од вежбите/идеите споделени во е-книгата 30+ идеи за негување на ставот #Благодарам (ова не е комерцијална е-книга и ако сакате да ја запознаете и да ја поддржите идејата за ширење на #Благодарноста, посетете го линкот https://linktr.ee/licenizbor).

Вежба за промена на перцепцијата — Другата страна на листот… За оваа вежба ни е потребно малку тивко време сами со себе и еден бел лист хартија. Листот хартија го делиме на половина со превиткување (дали тоа ќе го направите хоризонтално или вертикално не е важно), она што е важно на левата страна да ги напишете грешките/неуспесите кои сте ги направиле, а на десната страна до секоја грешка/неуспех извадете ги лекциите од нив како и ползата која што запловила во вашиот живот како резултат на таа таканаречена грешка/неуспех, зачинето со што сте научиле од таа ситуација, како и кој сте станале. Ви посакувам да уживајте во вашите увиди и новите учења.
Доколку си одвоите време за оваа неверојатно едноставна и моќна вежба, оваа недела или било која друга, ќе согледате дека вашиот живот нема да биде вака богат и шарен без грешките од минатото. Затоа да бидеме понежни кон самите себе си и да го гледаме животот онаков каков што е, патека за само-откривање, личен развој и доживотно учење. Во основата на оваа вежба е техниката од НЛП (неуро-лингвистичко програмирање) со која што ние правиме reframing на она што ни се случило и го гледаме со нова рамка, со други наочари, од друга перспектива која може да биде ВРЕМЕНСКА на пример (колку ова што ме вознемирува денес ќе биде ова важно за 5 години? на пример) или промена на КОНТЕКСТ (во кој контекст би било ова добро/за што би било добро).

И ако додека го читавте ова си помисливте ова е супер ама немам време, знајте дека за важните работи одвојуваме време не наоѓаме време, зошто сите го имаме истото време.

Со успех во промените,
Ана Салтирова Давидовски
Кампања @ЛиченИзбор (https://linktr.ee/licenizbor)